Fandriampahalemana

Fanafihana tao Ambabo Vohitrindry Nongotana ny ila-tavan’ilay mpivarotra

Fandriampahalemana
Alakamisy 17 Jona 2021

Mpivarotra ao Ambabo Vohitrindry, distrikan’i Vohipeno, antsoina hoe Ruphin no nisy nanafika omaly alina tokony ho tamin’ny 8 ora alina,

raha ny fampitam-baovao voaray avy amin’ny depiote Honore Tsabotokay. Ity solombavambahoaka ity moa no isan’ny nitondra azy teny amin’ny hopitaly Henitsoa ao an-toerana. Nalan’ireo tsy mataho-tody tanteraka ny ila-tavan’ity mpivarotra ity ary tena manahirana, noho izany, ny fitsaboana azy. Andrasana ny famotorana momba ity raharaha ity sy ny antsipirihany momba izay trangam-panafihana omaly alina izay.

J. Mirija