Fandriampahalemana

Fanafihana mpitondra tuc-tuc Efa-dahy nidoboka am-ponja ao Ambalatavoahangy

Fandriampahalemana
Alarobia 19 Aogositra 2020

Nahazo vahana tato ho ato ny fanafihana mpitondra tuc-tuc tao Toamasina. Very ny tuc-tuc, misy mamoy ny ainy ireo mpitondra, ny sasany maratra sady voaroba ny vola any aminy.

Voasambotry ny Polisim-pirenena afak’omaly ny efa-dahy voatondro ho tompon'antoka mivantana tamin'ny fanafihana mpitondra tuc-tuc ny herinandro lasa teo. Natolotra ny fampanoavana ao amin’ny Fitsarana ambaratonga voalohany Toamasina izy ireo, taorian’ny famotorana nataon’ny Polisy. Notanana amponja vonjimaika ao Ambalatavoahangy izy ireo. Maneho ny firaisankinany ireo Mpamily tuc-tuc ao Toamasina ary mitaky ny hahafantarana ny mpividy halatra ireo mpamily sy tompona tuc-tuc.

Jean D.