FANAFIHANA MPAMBONGADY AKOHO

20 tapitrisa Ar nanjavona, 4.500.000 Ar isaky ny jiolahy

Fandriampahalemana
Alarobia 05 Febroary 2025

Efa nampidirina am-ponja vonjimaika ao Toamasina raha araka ny vaovao azo ilay jiolahy iray tamin’ny

5 nanafika mpambongady akoho fakana nofony tao Tanambao 5 Toamasina tamin'ny Alahady 15 Desambra taona 2024. Izy irery hatreto no efa voasambotra vokatry ny fifanomezan-tanana mahomby teo amin’ny fokonolona sy ny borigadin’ny zandarimariam-pirenena nasionaly ao Toamasina. Very tamin’izany moa ny volabe mitentina 20 000 000 Ar raha tsiahivina. Niaiky ny heloka vitany ilay voasambotra no sady nilaza fa lela-vola 4 500 000 Ar no anjara vola azony taorian’ny fahavitan’ilay asa fanafihana. Marihina fa nandray anjara tamin’ny fanafihana mitam-piadiana nitranga tao Tsarakofafa tamin’ny datin’ny 29 Janoary lasa teo ihany koa ity jiolahy tratra ity.
Pati
Legende : Ilay jiolahy tratra !