Fandriampahalemana

Fanafihana mitam-piadiana Voatifitry ny SAG ary maty i Davida be

Fandriampahalemana
Zoma 30 Desambra 2022

Nifanandrify tamin’ilay tranga teny Behoririka , dia maty voatifitry ny polisy avy ao amin’ny SAG teny Tsiadana omaly i Davida be,

izay ambaran’ny polisy fa jiolahy mpanao fanafihana mitam-piadiana eto an-drenivohitra. Ny herinandro lasa teo izy no nanafika tokantrano iray tetsy Behoririka ka namoy ny ainy ilay tompon-trano, hoy ny polisy. Tetsy Tsiadana no fantatra fa niafenany ary nidina teny Polisy. Niezaka ny nandositra sy nampiasa ny basy teny aminy ity olon-dratsy, ary voatery nitifitra azy ny Polisy . Vokany , naratra mafy ny tenany ary nitarika hatrany amin'ny fahafatesany .
Toky R