Fandriampahalemana

Fanafihan-dahalo Lasibatra indray tany Ambatofinandrahana

Fandriampahalemana
Talata 05 Septambra 2017

Notafihin’ny dahalo 40 lahy mirongo basy mahery vaika tao Betabika, kaominina Fitampito distrikan’Ambatofinandrahana, omaly alahady 3 septrambra tamin’ny 5 ora maraina.

Omby 200 no lasan’ny dahalo tamin’izany. Nanara-dia avy hatrany ny fokonolona nampian’ny zandary. Ora vitsy dia nifankatratra ny roa tonta. Nisy ny fifampitifirana. Dahalo telo no maty, iray tamin’ireo fokonolona naratra ary nentina namonjy hopitaly avy hatrany. Tafaverina ireo omby very. 13km any atsimo andrefan'ny renivohitr’i Fitampito no misy an'i Betabika, tanàna hany mbola ahitana omby betsaka. Nanome telo volana moa ny governemanta Mahafaly Olivier, hifehezana ny tsy fandriampahalemana eto Madagasikara, mikaikaika ny Vahoaka. Mbola hiandry an’izany ve manoloana izao asan-dahalo mampiteny ny moana izao ?

Jean D.