Fandriampahalemana

Fampivoarana ny fiambenana ny fonja 20 miliara Ar ny fanampiana azon’i Madagasikara

Fandriampahalemana
Zoma 05 Jona 2020

Omaly 4 jona tetsy Antaninarenina no nanomezan’ny Masoivoho Frantsay ho amin’ny Fampandrosoana (AFD) ny famatsiam-bola mitentina 20 miliara Ar ho an’ny governemanta Malagasy.

Ny eo anivon’ny ministeran’ny fitsarana no hisitraka izany ary tafiditra anatin’ny tetikasa hanohanana ny sehatra fiambenana ny fonja eto Madagasikara. Nosoniavina tetsy amin’ny ministeran’ny toekarena sy fitantanam-bola izany ary haharitra 5 taona ny fiaraha-miasa. Hizara roa mazava tsara io famatsiam-bola io, ka ny voalohany dia hanatontosana ny tetikasa novolavolain’ny fikambanan’ny fiarahamonim-pirenena OSC ho tohana ny amin’ireo filàna ho amin’ny fitantanana ny fonja. Ny tapany faharoa kosa no hanaovana ny fanaraha-maso eo anivon’ny ministeran’ny fitsarana izay hitsirihana mazava ny tetikasa sy ny drafitra rehetra.

Tsirinasolo