Fandriampahalemana

Fampiroboroboana fandriampahalemana Nandray ny “Peace camp” ny Lisea Rabearivelo

Fandriampahalemana
Alakamisy 02 Febroary 2023

Ho fanohizana hatrany ny fanabeazana ny ankizy sy tanora malagasy ho tia fandriampahalemana dia tontosa omaly tetsy amin’ny lisea Jean Joseph Rabearivelo ny hetsika “Peace camp”,

na fisindana ho an’ny fandriampahalemana izay niarahan’ity lisea ity sy ny fikambanana iraisampirenena momba ny fandriampahalemana na HWPL niasa. Raha tsy misy ny fandriampahalemana, tsy misy ny fandrosoana, hoy ny fanazavana, ka mila ampahafantarina ireo ankizy dieny izao hoe inona izany atao hoe fandriampahalemana izany. Endrika tsy fandriampahalemana aty an-tsekoly izao ny halatra madinidinika eo amin’ny samy mpianatra na ara-pitaovana io na vola sy ny toy izany. Ho fanampin’ny fanabeazana maha olompirenena any an-tsekoly noho izany dia ity lisea ity indray no nanaiky hiara-hiasa amin’ny rafitra iraisampirenena voalaza teo mba hanatontosana fanentanana ho fampiroboroboana fandriampahalemana tahaka izao, hoy hatrany ny fanazavana.
J. Mirija