Fampiasana basy sy tafondro

Nifanakalo traikefa ny tafika frantsay sy malagasy

Fandriampahalemana
Alatsinainy 13 Mey 2024

Nifanakalo traikefa sy nanamafy ny fahaiza-manao amin'ny fampiasana basy sy tafondro

tamin'ny tafika frantsay ny tafika malagasy, raha ny fampitam-baovao voaray avy eo anivon’ny minisiteran’ny foloalindahy ny sabotsy teo. Teny amin'ny «Centre d'instruction» Foibem-pibaikoana eny Tampoketsa no nanatontosana izany. Ry zareo eo anivon’ny «Bataillon d'appui feu» na ny tafika mikirakira ireo fitaovam-piadiana etsy Ampahibe moa no isany tazana teny an-toerana. Isan’ny fanontaniana mipetraka etsy ankilan’izay ny hoe ho fanamafisana ny ady atao amin’ny tsy fandriampahalemana sy asan-dahalo izay mirongatra amin’izao ve izy ity sa antony hafa? Andrasana hatrany ny fanampim-baovao.
J. Mirija