FAMONOANA tovovavy kely 5 taona

Olona 03 no naiditra am-ponja, ny 02 ao Tsiafahy

Fandriampahalemana
Zoma 29 Novambra 2024

Olona miisa 3 hatreto no fantatra fa naiditra am-ponja taorian’ilay famonoana zazavavy kely vao 5 taona

monja tany Anjoma Fianarantsoa. Ny 02 amin’ireo dia nalefa eny amin’ny fonjaben’i Tsiafahy avokoa izay samy lehilahy raha tazonina ao amin’ny fonjan’Ankazondrano Fianarantsoa ny iray. Eo ambany fanarahi-mason’ny Fitsarana kosa ny iray ambiny raha miisa 04 ny tontaliny. Raha tsiahivina kely ny tantara dia ny Alahady 17 Novambra lasa teo no nanjavona tsy hita ity zazavavikely 05 taona ity. Ny ampitsonin’iny vao hita ny vatana mangatsiakakely izay efa nataon’ireo tsy mataho-tody tao anaty gony ary nariany teny amin'ny dabam-pako teny Anjoma Fianarantsoa ihany. Olona tsara sitra-pomoa no tonga nitoroka teo anivon'ny Kaomisaria Foibe ao Fianarantsoa nilaza ho nahita ny zava-niseho. Afak’omaly Alarobia 26 Novambra izy ireo no nohenoina teo anatrehan’ny Fitsarana.
Pati
Legende : Ity ilay tovovavy kely sy ireo roalahy namono azy nalefa eny Tsiafahy !