Fandriampahalemana

Famonoana pastera tany Miarinarivo Ny zanany sy ny zafikeliny ihany no nahavanon-doza

Fandriampahalemana
Talata 24 Novambra 2020

Tambazotran-jiolahy iray ahitàna jiolahy miisa 15 no saron'ny vondron-tobim-

paritry ny zandarimariam-pirenena ao Miarinarivo, namono pastera iray tany an-toerana sy nangalatra.Raha tsiahivina kely ny tantara dia ny alin'ny 10 novambra lasa teo no notafihin’izy ireo ny tokantrano iray tao Anorankely Fokontany Anorambe Kaominina ambanivohitra’Ambatomanjaka distrikan’i Miarinarivo.Lasan'ireo jiolahy tamin'izany ny vola mitentina1.000.000 ariary . Ankoatra izay dia namoy ny ainy ihany koa ilay pastera tompon-trano. Rehefa nataon'ny zandarimaria ny fikaroham-baovao dia jiolahy miisa 12 no voasambotra, raha mbola karohina kosa ny 03 ambiny. Niaiky ny heloka vitany izy ireo ary efa fantatra ihany koa ireo 03 mbola mirihariha any ho any. Lonilonim-pianakaviana momba ny famarotana lova moa no anton’ny fanafihana, ka ny zanak’ilay pastera sy ny zafikeliny ihany no nahavanon-doza.

Pati