FAMONOANA MPIANAKA TAO BELOBAKA

Partagé sur :
• facebook

Naiditra am-ponja vonjimaika ny 03 septambra 2024 teo ireo olona folo miisa 10 voarohirohy

tamin'ilay raharaha vono olona izay nahafatesana olona mianaka tany Benonika Kaominina ambanivohitr’i Belobaka, distrikan’i Tsiroanomandidy rehefa avy natolotra ny fampanoavana. Raha tsiahivina kely ny tantara dia nisy niady nandritra ny fisotroan-toaka tao Moraranokely Fokontany Morarivo kaominina Miandrarivo ny 10 Jona teo ka nahafaty an'i Fredo izay monina ao Tsaratanana Andasipiké kaominina Antsahalava. Fantatra fa tompon'antoka tamin'izany i Rajoso izay naratra ihany koa. Ny 11 Jiona dia tezitra ireo fianakavian'i Fredo ka nitarika fokonolona maro nisakana ny fiara nitondra an-dRajoso sy ny zanany antsoina hoe : Daniel hihazo ny hopitaliben’i Tsididy (CHRR) hanohy ny fitsaboana azy. Vokany, matin'ny vono sy ratra feno habibiana nataon'ireo andian'olona maro nirongo basy sy zava-maranitra izy mianaka. Tsy voasakan'ny mpitandro filaminana ny zava-nisy noho ny fitandroana ny tsy hisian'ny rà mandriaka eo amin'ireo fokonolona marobe. Noho ny ezaka izay nataon'ny Kaomandin'ny vondron-tobi-paritr’i Tsiroanomandidy izay niarahana tamin'ny EMMO/REG Bongolava nefa dia tratra izy ireo, izay isan'ny tompon'antoka tamin'iny tranga iny ary izao nalefa any am-ponja vonjimaika izao. Ny taoka no nahatonga azy ireo tratran’ilay tendrom-po tsy mba namana noho izany ka nitondra azy any am-ponja !
Nangonin’i Pati
Legende : Ireo fokonolona nalefa eny am-ponja ! 

Tia Tanindrazana

Samia mijoro ho an'i Gasikara.