Famonoana an’i Tricha, zanak’i Fandrama

Efa misy olona ahiahiana fatratra

Fandriampahalemana
Talata 29 Aprily 2025

Ao anatin'ny fanadihadiana ny polisim-pirenena na borigady misahana

heloka bevava mikasika ny namonoana ny zanaky ny mpanakanto Bemamy Beriziky na Fandrama, Tricha, ny sabotsy teo, teny 67Ha Nord-ouest, raha ny fampitam-baovao voaray omaly. Teny amin'ny tranom-patin’ny hopitaly CHU-JRA Ampefiloha ny vata mangatsiakany omaly. Efa misy olona ahiahiana fatratra amin'izao heloka bevava izao, hoy ny fanazavàna. Raha ny voalaza dia i Tricha irery no tao an-trano ka nidiran'olon-dratsy tao. Nofatorana sy naolana ary notaperina ny ainy. Tamin'ny 7 ora sy sasany hariva no hita ny vatana efa tsy nisy aina intsony, hoy hatrany ny fanazavàna.
Nangonin’i J. Mirija