Fandriampahalemana

Famonoana an’i Ameralli Danile Alibay Tsy afa-po tamin’ny didy nivoaka ireo vady aman-janany

Fandriampahalemana
Alakamisy 01 Oktobra 2020

Tsy afa-po tamin’ny didy nivoaka mikasika ny famonoana an’ilay tera-tany karana Ameralli Danile Alibay ireo vady aman-janany.

Marary ny aina misaraka hoy ny mpisolovava azy ireo ka tokony alefa any amin’ny toerana sahaza azy mihitsy ireo nahavanon-doza izay notsindriany manokana fa tsy nisy nifandraisany tamin’ity Raim-pianakaviana izay novonoiny tamin’ny fomba feno habibiana ity. Raha tsiahivina kely ny tantara dia efa-dahy izy ireo no tratra ny datin’ny 25 Septambra lasa teo ka tera-tany vahiny ny iray. Ity farany izay tompona trano fiambenana iray raha mpiasany tao ihany izy telo mirahalahy izay nirahiny nanao ity asa ratsy ity. Teny Ambohijatovo no tratra ny iray tamin’izy ireo ka nanondro ireo namany hafa. Efa nalefa any Tsiafahy moa izy telolahy raha arahin’ny fitsarana maso akaiky kosa ilay iray.

Pati