Fandriampahalemana

Fametrahana fandriampahalemana Feno 9 taona ny HWPL

Fandriampahalemana
Zoma 27 Mey 2022

Feno 9 taona ny 25 may 2022 teo ny HWPL na ny rafitra iraisampirenena miompana amin’ny fametrahana ny fandriampahalemana eto amin’izao tontolo izao.

Noho ny ahamehana ara-pahasalamana mbola mitoetra moa dia tsy nisy tamin’ity ny diabe ho an’ny fandriampahalemana toy ny fanao isan-taona. Ho an’I Madagasikara manokana dia tetsy amin’ny foiben’ny UNESCO etsy Behoririka no nandraisana ny seminera iraisampirenena tamin’ny alalan’ny fimaso lehibe na “visioconférence” moa no filaza azy ankehitriny. Zandriny indrindra amin’ireo HWPL maneran-tany no misy eto Madagasikara satria vao herintaona monja, hoy ny fanazavana, izay no nitsanganany. Tsy kivy izahay ary ekena fa mirongatra tokoa eto amintsika ankehitriny ny tsy fandriampahalemana amin’ny endriny rehetra, hoy ny tomponandraikitra, Rafidiarisoa Dera Jelia, ary araka ny fampitam-baovao efa natao hatrany dia manomboka ampidirinay eny anivon’ireo sekoly ankehitriny ny fanabeazana momba ny fandriampahalemana.
J. Mirija
Legende: Tetsy Behoririka ny alarobia teo