Fandriampahalemana

Famerenana omby 161 Nanaovan’ny zandary vy very ny ainy

Fandriampahalemana
Alakamisy 26 Desambra 2019

Omby 161 tao Ampilifily, fokontany Antehalimboro Kaominina Imanombo,

Distrikan’Ambovombe no noraofin’ny dahalo manodidina ny 40 lahy mitam-piadiana ny alin'ny 24 hifoha omaly 25 desambra 2019. Rehefa nandre izany ny Compagnie Gendarmerie Ambovombe dia nandefa ireo zandary tao amin'ny CSAO Imanombo hanara-dia. Tao amin'ny Kizo atao hoe Soakija 18 km miala an'Antevamena no nifanehitra ireo zandary sy ireo daholo, raha ny tatitry ny mpitandro filaminana. Rehefa raikitra ny sakoroka, dia resy tosika ireo dahalo ka navelan'izy ireo avokoa ireo omby halatra sady nandositra nihazo an'Andriry izy ireo. Noho ny andro maizina moa dia ny maraina vao notohizana ny fanarahan-dia sy hazalambo an'ireo dahalo mba tsy hisian'ny loza. Naverina amin'ny tompony avokoa ireo omby, izay nanehoan’ny olona fisaorana ho an'ireo zandary avy ao amin'ny CSAO Imanombo.

Toky R