Fandriampahalemana

Famakiana ny hotely lehibe tetsy Tsaralalana Vehivavy mpiasa no niray tsikombakomba tamin’ireo jiolahy

Fandriampahalemana
Zoma 23 Oktobra 2020

Nisy namaky ny biraon’ny tompona hotely lehibe iray etsy Tsaralalàna ny alin' ny 27 septambra lasa teo. Entana mitentina 10 tapitrisa Ar no very tamin'izany ka ny 28 oktobra no tonga nametraka fitoriana ireo tompon’andraikitra tao an-toerana.

Nanao ny fanadihadiana avy hatrany ny polisy teo no nahalalana fa nisy niray nitsikombakomba tamin'ireo jiolahy ireony mpiasan'ny hotely. Nosamborina avy hatrany ireo mpiasa miisa 03 ka vehivavy ny 01. Ity farany izay efa niasa an-taonany tao amin'ity trano fandraisam-bahiny lehibe ity ary miandraikitra ny fikirakirana vola an'ilay hotely. Fotoana fohy taorian'ny fisamborana an'ireto mpiasa ireto dia tra-tehaka ihany koa ireo jiolahy namaky ilay birao ka miisa 03 ihany koa izy ireo raha mbola tadiavina kosa ny vadin'ilay vehivavy mpiasa voatonona etsy ambony izay fantatra fa anisan'ny nanao ny asa ratsy. Tao anatin'ny famotorana no nahalalana fa efa in -droa nanofa "Chambre" tao amin'ilay hotely izy ireo nialohan’ ny namakiany ilay birao ary ny "coffre" no saika hovakiana saingy tsy nety nisokatra ka izay entana tao no nalain'izy ireo . Marihina fa efa in-droa nisy namaky ity hotely lehibe ity talohan’izany. Rehefa avy natolotra ny fitsarana izy 06 mianadahy ireto dia ny 05 tamin'izy ireo naiditra am-ponja vonjimaika eny Antanimora raha nahazo fahafahana vonjimaika kosa ilay vehivavy mpiasa.

Pati

Legende : Ireto izy enina mianadahy fa nahazo fahafahana ilay vehivavy