FAKANA VOLA AMIN'NY BANKY

Mpanao hosoka 5 voasambotra tany Moramanga

Fandriampahalemana
Alatsinainy 03 Aogositra 2026

Nahomby ny hetsika nataon'ny

Polisim-pirenena tany amin'ny distrikan'i Moramanga ny Alatsinainy 27 Jolay teo. Tratra ary sarona tany an-toerana ny tambazotran'olona mpisoloky sy mpanao taratasy hosoka. Lehilahy telo raha vehivavy roa. Taorian'ny fampitam-baovao voaray momba ny fikasan'izy ireo hindram-bola tamin'ny alalan'ny antontan-taratasy sandoka tao amin'ny banky iray any an-toerana no nahafahana nandrava ny asa ratsiny. Nandritra ny fanadihadiana dia fantatra fa efa nahavita fisolokiana tamina banky io tambazotra io ka nahazoany vola 15.000.000 Ariary sy 14.000.000 Ariary, ka fanin-telony izao nahatrarana azy ireo izao. Kara-panondro sy antontan-taratasy sandoka ary fitaovana maro no tratra niaraka tamin’izy ireo. Natolotra ny Fampanoavana ny Zoma 31 Jolay teo ireo voasambotra ka nidoboka am-ponja vonjimaika.
Nangonin'i Pati
Légende : Izy 5 mianadahy mianaka, tambajotrana mpisoloky rava !