Fandriampahalemana

Esplanade Analakely Zazalahy tsy ampy taona manendaka amin’ny alina

Fandriampahalemana
Talata 19 Desambra 2017

Zazalahy kely roa tsy ampy taona indray no voasambotry ny polisy avy ao amin'ny boriborintany voalohany etsy Analakely nanendaka teny amin'ny Esplanade Analakely ny sabotsy alina lasa teo.

Olona handeha hivalan-drano teo amin'ny WC Public Esplanade tokony ho tamin’ny 10 ora alina no lasibatra. Olona dimy ireto farany no niaraka ka vehivavy ny iray. Rehefa niantso vonjy anefa ity farany dia nitsoaka ireo mpanendaka saingy nifanehitra tamin’ny polisy sendra nanao fisafoana. Mbola vao 16 taona izy roalahy kely ireto. Raha ny fantatra dia efa mpamerin-keloka izy roalahy satria vao avy nivoaka ny fonja. Omaly izy ireo no natolotra ny fampanoavana ka nampidirina am-ponja vonjimaika indray.

Pati