Fandriampahalemana

Efa nokarohina hatry ny ela Maty voatifitra tao Fianarantsoa ilay jiolahy

Fandriampahalemana
Zoma 20 Janoary 2023

Jiolahy iray no lavon’ny balan’ny Polisy miasa ao Fianarantsoa omaly alakamisy 19 janoary tao amin’ny fokontany Maromby.

Raha araka ny fantatra dia jiolahy iray rain-dahany amin’ny fanafihana mitam-piadiana ity lavon’ny balan’ny Polisy ity izay saika hanao fanafihana tao amin’ity Fokontany nahatrarana azy ity. Efa hain’ny mpitandro ny filaminana mialoha anefa io fikononkononana io ka nanao ny velapandrika rehetra izy ireo. Vokany, maty tsy tra-drano ity jiolahy ity. Efa karohin’ny polisy any an-toerana fatratra moa ity farany ary efa mpanao io asa ratsy io any amin’iny faritra Fianarantsoa sy ny manodidina iny. Mbola misy ireo namany izay karohina ary ao anatin’ny fanadihadihana tanteraka ny Polisy miasa any an-toerana.
Pati