Fandriampahalemana

Distrikan�i Fenoarivobe Kaominina 1 amin�ny 10 no mba milamindamina

Fandriampahalemana
Alatsinainy 22 Mey 2017

Nambaran�ny depiote Ranaivoson Andrianavalona Fanomezanjaka voafidy tany Fenoarivobe fa anisan�ireo faritra mahamay amin�ny tsy fisian�ny fandriampahalemana ao aminy ny distrika tantaniny,

Faritra Bongolava. Voakilasy ho faritra mena iny toerana iny amin’ny ankapobeny, hoy izy. Kaominina 1 amin’ny 10 misy any no milamindamina fa ny sisa, saika hahenoana fanafihan-dahalo sy fangalarana omby isan’andro vaky izao. Vao tamin’ny herinandro lasa teo no nisy fahaverezana omby niisa 40 tamin’ny tanànan’i Tsaranovana fokontanin’Ambohitsaratelo 3 km miala an’i Fenoarivobe ary tsy nisy tafaverina ireo. Toraka izany koa tany Mangarivo, 6 km miala ny renivohitra. Tamin’ny tapa-bolana lasa kosa dia omby 9 tamin’ireo 95 lasan’ny dahalo no tafaverina tao Ankotrabe. Manao antso avo amin’ny fitondram-panjakana ankehitriny, ingahy solombavambahoaka fa ny fisian’ny fandriampahalemana no antoky ny fampandrosoana marina eto amin’ny firenena.

Ntsoavina Evariste