DISTRIKAN'I FANDRIANA

Dahalo iray matin’ny fokonolona

Fandriampahalemana
Zoma 23 Janoary 2026

Dahalo iray no namoy ny ainy tao

Andrefan'i Matindrano, rehefa avy nifanandrina tamin'ny fokonolona omaly Alakamisy 22 Janoary. Ny alin'ny Talata hifoha Alarobia raha tsiahivina no namoaka omby miisa efatra, tao Ambohijanaka Fokontany Zanakandrianjaka ilay dahalo. Nanao fanarahan-dia ny fokonolona ary tratra ambodiomby mbola nandroaka ny omby ity dahalo tratra ity. Efa tany Alarobia Ambatosaonjo no nahatratrarana azy. Nifanehatra tamin'ny vatan-dehilahy tany izy ka voasambotra ihany. Efa voakapan'ny famaky ny handriny saingy tsy nahafaty azy izany. Nentin'ny fokonolona tao amin'ny Kaominina Tsarazaza Distrikan'i Fandriana izy izao niezaka nanohitra sy nitsoaka izao. Nifanenjehana eran'ny aty hazo sy teny an-tanimbary ny anaolahy saingy lavon'ny fokonolona rehefa nikasa hamono mihitsy. Efa misy namany avy any Avaratra voasambotry ny fokonolona ihany koa araka ny vaovao farany ary efa eo am-pelatanan'ny mpitandro filaminana ny momba izany amin'izao fotoana izao.Mbola ao Andrefan'i Matindrano, eo an-tsisin'ny tanimbary ny fatiny hatramin'ny omaly hariva fotoana nanoratanay, miandry ny fanapahan-kevitry ny mpitandro filaminana. Nangonin'i Pati
Légende : Namoy ny ainy tahaka izao ilay dahalo !