DADABE LEONARD

Maty nisy namono tao an-tranony, tsy nisy lela sy maso intsony

Fandriampahalemana
Talata 29 Oktobra 2024

Raim-pianakaviana tena be mpahalala eny Ambodiampanga, Fokontany Antanetibe, Kaominina Ambohidrapeto,

distrikan’Atsimondrano Rakotoarison Leonard na i Dadabe Leonard, fantatry ny maro amin’ny anarana koa hoe : Ra Leonard. Hita faty tao ambony rihina tao amin’ny trano hipetrahany izy afak’omaly Alahady maraina. Raha araka ny vaovao azo dia efa tsy teo intsony ny masony 2 sy ny lelany rehefa nojerena nandritra ny fotoana nahitana ny razana. Vao tamin’ny Sabotsy alina lasa teo anefa no fantatra mbola nisakafo sy niresaka tsara tamin’ny manodidina ny tenany. Manahy mafy ny mety fisian’ireo mpangalatra taova tonga eny amin’iny faritr’Itaosy sy ny manodidina iny ny mponina manoloana izany. Fantatra moa fa efa mandray ny andraikiny ny mpitandro ny filaminana. Manodidina ny 80 taona eo ho eo Dadabe Leonard izao nindaosin’ny fahafatesana izao ary mipetra-drery.
Pati
Legende : Itompokolahy fony fahavelony !