Fandriampahalemana

Cimetière Anjanahary Noraisim-potsiny ireo mpanendaka roalahy

Fandriampahalemana
Alatsinainy 21 Novambra 2022

Tra-tehaky ny Polisy miasa ao amin’ny kaomisaria CSP3 Antaninandro ny lehilahy roa samy 18 taona rehefa nanendak’olona teny akaikin’ny Fasana Anjanahary.

Ny faran’ny herinandro teo no nitrangan’izany tokony ho tamin’ny 02 ora folakandro. Mba hisorohana ireo trangana asa ratsy mety hiseho eny an-toerana raha tsiahivina dia nametraka paikady ny tompon’andraikitry ny Filaminam-bahoaka misahana iny faritra iny. Nasiana Polisy avokoa ireo izay heverina fa mety hisian’izany. Tena nahitam-bokany tokoa ny hetsika . Vehivavy iray hamonjy fodiana mantsy no narahina lehilahy miisa roa avy aoriana. Nataon’izy ireo tao afovoany ilay vehivavy ka rehefa voatery handeha hanararaotra amin’izay izy ireo dia tsikaritry ny Polisy nanara-maso teny amin’ny manodidina ka noraisim-potsiny. Efa naiditra am-ponja vonjimaika moa izy roalahy ireto taorian’ny niakarany teny anivon’ny fampanoavana.
Nangonin’i Pati
Legende : Ireto izy roalahy tratra