Fandriampahalemana

CGM Analakely Vaky ny biraon’ny Tale, very ny “Unité centrale”

Fandriampahalemana
Alakamisy 15 Septambra 2022

Namoaka fampitam-baovao ho an’ny besinimaro ny Goethe Zentrum - Antananarivo/Cercle Germano-Malagasy na CGM izay manana ny Foibeny etsy amin’ny Immeuble Ifanomezantsoa Analakely Antananarivo 101 omaly 14

septambra 2022, fa nisy namaky ny Biraon’ny Talen’ity Ivon-toerana ity. Tranga niseho ny alin’ny talata hifoha omaly alarobia io. Vokany, very tamin’izany ny “Unité central” an’ny solosaina tao amin’ny birao. Mirakitra dosie sy antontam-baovao saro-pady io, ka tompon’andraikitra feno izay mampiasa izany, hoy ny fanamarihana. Fehezin’ny lalàna momba ny fizaka-manana ara-tsaina ihany koa ny pitsopitsony sy ny fampiasana ireo antontan-kevitra sy atotam-baovao ao anatin’io solosaina io. Miantrana eo anatrehan’ny fakam-panahy sy finiavana hampiasa tsy ara-drariny sy hosoka an’ireo ihany koa ny Komity mpitantana ny CGM. Hisy ihany koa ny fanenjehana araka ny lalàna sy ara-pitsarana ireo olona rehetra tafiditra ao anatin’io raharaha io.
Toky R