Fandriampahalemana

Cash point tetsy 67 Ha Nalain'ilay rangahy tsimoramora ny vola 4 tapitrisa Ar

Fandriampahalemana
Talata 21 Aprily 2020

Tsy vao voalohany ity rangahy ity no nanao " Transaction" teo amin'ny cash point iray tetsy 67 ha .

Tamin'ity indray mitoraka ity dia hitan'ilay rangahy ny fitoeram-bolan'ilay tompona cash point ka rehefa varimbariana ity farany dia nalainy moramora ny lelavola mitentina 4 tapitrisa Ar. Niala moramora teo amin'ilay toerana ilay rangahy saingy hitan' ilay tompona cash point ireo vola nanjavona sy ny fihetsik'ilay rangahy niala teo aminy ka raikitra ny fifanenjehana. Tao anatin'izany fifanenjehana izany no nifanena tamin'ireo polisy manao fisafoana ity rangahy ity ka dia noraisim-potsiny. Nentina avy hatrany tany amin'ny biraon'ny polisy nanaovana fanadihadiana ilay rangahy ary efa naverina tany amin'ilay tompona cash point avokoa ireo vola nangalariny.

Pati