Fandriampahalemana

Betroka Mpamily iray sy ny zanany lahy lavon’ ny jiolahy

Fandriampahalemana
Alarobia 24 Jona 2020

Mpamily iray 50 taona sy ny zanany lahy mbola 19 taona monja no maty novonoin’ny jiolahy efa-dahy. Hihazo aty Antananarivo izy mianaka mpitatitra tantely sy “baie rose” raha niala tany Taolagnaro.

Araka ny fanadihadiana natao dia niara-dàlana ireo Jiolahy nahavan-doza sy ilay mpamily miaraka amin’ ny zanany. Rehefa niditra tany Ianabinda ilay kamiao dia tsikaritry ny Fokonolona fa nisy nanipy razana avy eny ambonin’ ilay kamiao ary nahatonga azy ireo nanaitra ny manampahefana voakasika ny Filaminam-bahoaka. Nisy avy hatrany ny fikarohana ka sarona tao Ianabinda, 35 km miala an'i Betroka, tao anatina Fiara 4x4 iray ireto mpanao ratsy. Noentina avy hatrany tany Betroka natao famotorana izy ireo. Fantatra ihany koa fa mbola karohina fatratra ireo namany sy ireo ati-doha niray tsikombakomba amin'izao vono olona izao.

Marigny A.