Fandriampahalemana

Beravina Morafenobe Zandary iray matin'ny dahalo

Fandriampahalemana
Alatsinainy 20 Aprily 2020

Lavo nandritra ny fifandonana tamin'ny andian-dahalo mitam-piadiana mahery vaika ny zandary kilasy faharoa Rafanomezantsoa Andrinirina Thierry Célestin, ny zoma 17 aprily teo tokony tamin'ny 05ora sy sasany hariva,

tao amin'ny vavaranon'i Manambolomaty kaominina ambanivohitra Ankondromena, distrikan’i Miandrivazo faritra Menabe. Raha tsiahivina dia nisy trangana halatr'omby tao Andranovory, kaominina Beravina, distrikan'i Morafenobe ny alakamisy 16 aprily teo tokony ho amin'ny 04ora sy sasany hariva. Anisan'ny voatendry hanatanteraka ny fanarahan-dia noho izany izy no izao lavo izao raha nifanehitra tamin'ireo dahalo. Ny zandary kilasy faharoa Rafanomezantsoa Andrinirina Thierry Célestin, niasa tao amin'ny tobim-paritry ny zandarimariam-pirenena ao Beravina dia nivoaka avy amin'ny andiany faha 72 CFEG Ambositra, 29 taona, namela mananon-tena sy kamboty kely iray vao roa taona. Notolorana mari-boninahim-pirenena izy ary voahosotra ho "Zandary kilasy voalohany". Natolotra ny ankohonany ihany koa ny "prime" ho amin'ny fiahiana sy fankaherezana.

Pati