Fandriampahalemana

Bekily Androy Dahalo iray matin’ny mpitandro ny filaminana

Fandriampahalemana
Alarobia 25 Novambra 2020

Raikitra indray ny fifandonana tamin'ireo zandary sy andian-dahalo tao Besandraha,

kaominina, Ambatosola distrikan’i Bekily, ny 22 novambra lasa teo tokony ho tamin’ny 04 ora folakandro. Dahalo iray no lavon’ny balan’ny mpitandro ny filaminana nandritra izany raha iray hafa voasambotra. Tafaverina amin’ny tompony kosa ny omby miisa 24 amin'ireo 30 noraofin’izy ireo tao an-tanana. Novonoin’izy ireo teny an-dalana kosa ny 6. Tsiahivina moa fa vokatry ny fifanomezan-tanana teo amin’ny fokonolona sy ny mpitandro ny filaminana ka nahafahana niambina ny kizo rehetra no nahazoana ireo vokatra ireo. Nifanome toky araka izany ny roa tonta fa hiezaka hiady amin’ny tsy fandriampahalemana misy any amin’iny faritra atsimo iny hatrany. Niaraka tamin’ny basiny moa ity dahalo iray lavo ity.

Pati