Fandriampahalemana

Bealanana Nofatoran’ny olona ilay mpangalatra kisoa

Fandriampahalemana
Alatsinainy 27 Febroary 2023

Samy mitady hevitra mba hahazoany vola avokoa izao ny rehetra amin’izao indrindra fa ireo tsy an’asa. Tovolahy iray no nanararaotra mpiandry faty ka nangalatra kisoa tao Antsamaka distrikan’i Bealanana ny zoma alina teo.

Namidiny teo an-tsenan’i Banjabe ‚ kaominina ambonivohitr’i Bealanana io kisoa io ny sabotsy teo ihany saingy nisy nahalala. Raha vantany vao anontany azy ny fomba nahafahany nivarotra ilay kisoa ireo olona ireo dia nandositra avy hatrany izy. Nenjehin’ny fokonolona ary nofatorana sy natolotra ny mpitandro filaminana ity tovolahy ity rehefa voasambotra. Nanambara moa ny tenany fa tsy an’asa, antony nanosika azy hanaotao foana tahaka izao. Tsy vao sambany moa no nisy tranga tahaka izao tao Bealanana fa saika mahazo vahana mihitsy ny halatra kisoa hoy ny vaovao.
Nangonin’i Pati