Fandriampahalemana

Bazar Ankirihiry Toamasina Tratra ilay lehilahy mpanendaka sady mpisoloky

Fandriampahalemana
Alarobia 26 Aogositra 2020

Lehilahy iray 25 taona no voasambotry ny Polisin’ny UIR Toamasina ny 24 aogositra 2020 lasa teo teny amin’ny Bazar Ankirihiry Toamasina noho ny resaka sinto-mahery.

Olona nitazona finday teny an-tanany no niharan’ny asa ratsin’ity lehilahy ity tamin’io andro io. Avy hatrany dia nosintoniny izany finday izany ka nirifatra nitsoaka izy. Niantso vonjy ilay niharam-boina; nanampy ihany koa ny manodidina tamin’ny fanenjehana sy ny fiantsoana ny polisy miasa any an-toerana. Tonga ara-potoana moa ireto farany ka noraisim-potsiny ilay lehilahy. Nandritra ny fisamborana azy dia nahitana carton-na subwoofer teny aminy ary hazo no ao anatiny. Fantatra tamin’izany ary fa mpisoky ao anaty facebook ihany koa ity lehilahy voasambotra ity ary efa olona telo no nametraka fitoriana makasika izany eny amin’ny biraon’ny Polisy. Mitohy hatrany ny fanadihadiana.

Pati