Fandriampahalemana

Asana zandary Tena saro-pady, mitaky fahavononana

Fandriampahalemana
Talata 14 Febroary 2023

Anisan’ny asa saro-pady ny asa fitandroana ny filaminana ka ilaina fahavononana hoy ny SEG ny Jeneraly Serge

Gellé omaly taorian'ny 96 andro nanatanterahany ny tapany voalohany amin'ny fiofanana izay nifototra tamin'ny fiofanana ara-miaramila nomeny ireo mpianatra an’arivony niofana tao amin’ny EGNA Ambositra. Nihatrana ambany faneva omaly mantsy ireo mpianatra ho zandary nofaniny ireo dia ny andiany faha-77. VASIA (Volonté, Action, Succès, Intelligence, Amitié) no anarana nisaloran’izy ireo raha mahatratra 1.498 kosa ny isany. Miisa 217 ny vehivavy, raha 1.281 kosa ny lehilahy ankoatra ireo nitsoaka an-daharana. Ny Jeneraly Andriatsarafara Rakotondrazaka Kaomandin'ny Zandarimariam-pirenena no Ray mpiahy ity andiany faha-77 ity. Nisy ny famindrana ny fiambenana ny faneva ny sekoly ho an'ireto andiany ireto. Nofaranana tamin'ny matso lehibe, nandraisan'ireo mpiandraikitra sy mpianatra anjara ny lanonana.
Nangonin’i Pati
Legende : Nandritra ny famoahana ireo mpianatra zandary omaly tany Ambositra