Fandriampahalemana

Asan-dahalo sy fanafihana fiara Olona 4 nahatrarana basy 2

Fandriampahalemana
Alarobia 17 Mey 2017

Olona 4 nitahiry basy 2 izay fanaovana fanafihana amin�ny fangalarana omby sy fanafihana fiara amin�ny fanakanan-dalana no saron�ny zandary tao Fierenana kaominina ambanivohitra Ambatomanoina ny alahady 7 mey 2017 lasa teo.

Raha ny fizotry ny tantara, dia nisy halatra omby niseho tao Fierenana, distrikan’Anjozorobe ny 29 aprily 2017 tamin’ny 4 ora hariva. Dahalo 15 no nangalatra omby miisa 19 tamin’izay ary nalain’izy ireo an-keriny ny zazavavikely 13 taona nataony takalon’aina. Ny zoma 5 mey 2017 dia nifankatratra tamin’ireo dahalo tao Andriamena kaominina Antakavana ny zandarin’Ankazobe nanao fanarahan-dia ka nisian’ny fifandonana. Tafaverina manontolo ny omby ary votsotra ilay zaza. Tafaporitsaka kosa anefa ireo jiolahy. Ny 7 mey 2017 anefa dia heno fa misy olona nampiantrano ireo dahalo sasany tao Anjanabato ka natao ny fisavana. Lehilahy 4 no tratra tao amin’io trano io niaraka tamin’ny basim-borona na “FC calibre 12” iray sy basy vita gasy iray ary bala miisa 5. Nandritra ny fanadihadiana dia fantatra fa efa nampiasain’izy ireo nanaovana fanafihana fiara tamin’ny fanakanan-dalana ireo fitaovam-piadiana ireo ankoatra ny nampiasany azy tamin’ny halatra omby.

Toky R