Fandriampahalemana

Asan-dahalo Notifirina teo amin’ny lohany ilay raim-pianakaviana

Fandriampahalemana
Zoma 08 Mey 2020

Dahalo am-polony no indray nanafika raim-pianankaviana iray tao Tanandava Beroroha ny talata alina hifoha alarobia teo.

Notifirina teo amin’ny lohany ny lasabatra, ka maty tsy tra-drano. Olona roa hafa naratra, ka zanak’ilay raim-pianankaviana ny iray. Na dia niezaka nanafina ilay rangahy aza ny vadiny, dia noteren’ireo olon-dratsy nandritra io fotoana io, ka nosainy ny trano ary tratrany tao ambany fandriana ilay rangahy 57 taona ary notifiriny ny lohany, izay sefom-pokontany teo aloha. Lasan’ireo dahalo ny omby am-polony taorian’izay.

Toky R