Fandriampahalemana

Asan-dahalo ao Betroka Niova ho fakana takalon’aina

Fandriampahalemana
Alarobia 14 Aogositra 2019

Mihena ny asa-dahalo any Betroka amin’izao fotoana, hoy ny filohan’ny fikambanana Andrimaso, Ajad Ridji Razafindrazanaka, saingy ny halatra olona kosa no tena mampatahotra ny mponina.

Herinandro mahery kely izay dia nalain’ny dahalo tao an-tampon-tanàna ny olona iray natao takalon’aina hakana 17 tapitrisa ariary saingy rehefa tsy nahazo izay ilainy izy ireo dia novonoiny ho faty. Am-polony mirongo fiadiana ireo dahalo lasa mpaka takalon’aina ireo. Mangataka, noho izany, ity fikambanana ity mba hamatsy fitaovana toy ny natao tamin’ny ady tamin’ny dahalo mikasika ny fakàna takalon’aina koa ny fanjakana ary manao antso avo amin’ny vahoaka mba hifanampy amin’ny mpitandro filaminana amin’ny alalan’ny fametrahana “Quartier mobile” satria nihena ny halatra omby fa nivadika an’io indray, hoy izy.

J. Mirija