Fandriampahalemana

Arivonimamo Maty voatifitra teo amin’ny fony ilay raim-pianakaviana

Fandriampahalemana
Talata 02 Martsa 2021

Tokantranona mpivaro-kena iray ao amin'ny fokontany Saromilanja, kaominina Arivonimamo,

no notafihana jiolahy 8 lahy nirongo basy vita gasy sy fitaovam-piadiana tsotra ny misasak’alin’ny sabotsy teo.Ilay Raim-pianakaviana mpivaro-kena no tena notadiavin'ireo olon-dratsy, saingy ny vinantolahiny no hitan'izy ireo ka notifiriny avy hatrany izay vao 32 taona monja. Voa teo amin'ny fony io lehilahy io ary namoy ny ainy vokatr'izany. Namela mananontena izay bevohoka efa miandry andro ratompokolahy raha araka ny fantatra. Lasan’ireo jiolahy tamin’izany moa ny vola 8 tapitrisa Ar sy ny findain'ny tompon-trano raha ny fantatra hatrany. Jiolahy iray moa no efa tratra raha araka ny fantatra hatrany.Vao herinandro lasa ihany koa izay dia andian-tsarety nitondra mananasy no notafihan'ny jiolahy tany amin’ity distrika iray ity.

Pati