Fandriampahalemana

Antsohihy Omby halatra 80 no tra-tehaka

Fandriampahalemana
Alarobia 21 Oktobra 2020

Mirongatra indray ny halatr`omby. Sarona tao amin` ny kijany Antsalohavery, izay eo anelanelan' ny kaominina Ampandriakilandy sy Kaominina Anjalazala, ao anatin` ny distrikan' Antsohihy, omby maherin` ny 80 isa izay tsy nanana taratasy mazava.

Misy tamin'ireo omby ireo teraka tao anatin'ilay kijany. Misy indray ireo nangalarina tany amin'ny kaominina Ankerika izay efa nalainy tompony tany an-toerana. Misy kosa ireo mbola tsy nalainy tompony izay giazana ao amin'ny famonjan'omby Ampandriakilandy mandritra ny telo volana ary hatao lavanty raha tsy tonga maka azy ny tompony. Nidina nijery ny zava-misy ny lehiben` ny prefektioran` Antsohihy, Naryson Roch Léopold, sy ny lefiny izay notronin'ny ben'ny tanàna voafidy tao Ampandriakilandy, Rajaonary Danny. Nilaza fa handray fepetra mifanaraka amin'izany izy ireo ary nanome toky fa efa misy ny hoentina miady amin'ny tsy fandriampahalemana .

Marigny A.