ANTSOANTANY ANTSIRABE

Lehilahy mamon-drongony nosamborina

Fandriampahalemana
Alakamisy 07 Desambra 2023

Lehilahy iray manodidina ny 40 taona eo ho eo no fantatra fa nitondra antsy

no sady nihogahoga te -handratra izay mifanena aminy no voatery nosamborin’ny zandary tao Mandritsara Antsoantany Antsirabe ny 03 Desambra teo tokony ho tamin’ny 05 ora hariva. Rehefa nosavaina ity lehilahy iray ity dia mbola hita tao anaty gony noentiny ny fototra rongony maromaro. Raha bangoina izany dia anisan’ny antony nahatonga ity lehilahy ity te-hamono olona tahaka izao ny fifofahany rongony diso tafahoatra. Soa ihany fa nosamborina ilay ranamana ity fa raha sanatria nanohy ny adalany mantsy izy dia olona maromaro no mety efa naratrany na nalany mihitsy ny ainy.
Pati
Legende : Zao ireo fototra rongony tratra tany amin’ilay lehilahy !