Fandriampahalemana

Antsirabe Sarona ireo mpamaky trano kalaza

Fandriampahalemana
Talata 14 Septambra 2021

Nisesy tato ho ato ny vaky trano tao Antsirabe, kanefa nahitam-bokany ihany koa ny ezaky ny Polisim-pirenena. Jiolahy nambara’ny mpitandro filaminana fa efa kalaza no

sarona tamin’izany ka nahatratrarana karazan’etana halatra isan-karazany toy ny biskileta am-polony, “baffle” sy zava-maneno, solosaina entin-tanana sy ny maro hafa. Saika toerana maro tao Antsirabe moa no nitrangan’ny vakitra io ary efa nampimenomenoa ny maro izany ary dia izao nahatratrarana jiolahy niisa roa izao. Ny nahagaga, rehefa nantsoina avokoa ireo olona niharan’ny vaky trano dia tsy nisy azy ireo ny ankamaroan’ny entana afa-tsy ny biskileta iray ihany no efa nisy naka, ka mbola azon’ny rehetra tratry ny vaky trano jerena ireo entana eny amin’ny biraon’ny polisy ireo. Efa natolotra ny fampanoavana ireo jiolahy, hoy ny fampitam-baovao voaray avy any Antsirabe.

Toky R