Antsapanimahazo, Faratsiho

3 lahy nangalatra vary 11 gony sy tapany

Fandriampahalemana
Zoma 31 Mey 2024

Vary 11 gony sy tapany no nararaotina lehilahy miisa 3 nangalarina rehefa nandeha niandry faty

ny tompon'ilay trano, hoy ny fampitam-baovaon’ny zandarimaria omaly. Tany Antsapanimahazo, Faratsiho, ny alin'ny 28 mey lasa teo no nitrangan’izany, hoy ny fanazavana. Voalaza fa niaraka tamin'ny sarety mihitsy izy ireo. Efa nodoran'izy ireo ny gony nisy ireo vary mba tsy hahafantaran'ny tompony azy. Nametraka fitoriana ny tompon'ny vary very. Voasambotra izy ireo rehefa nandeha ny fanadihadiana. Niampy 2 lahy izy 3 lahy ireo. Ny iray mpanaraka akaiky izay tany alehan'ny tompom-bary sady mandefa sms. Ny iray kosa no mpaniraka sy mpanome ny andro sy fotoana mahamety ny halatra, raha ny fampitam-baovao voaray hatrany.
J. Mirija