Fandriampahalemana

Antsahavaribe Vohemar Olona telo matin’ny fitsaram-bahoaka

Fandriampahalemana
Talata 18 Aogositra 2020

Vehivavy roa sy lehilahy iray no niara-namoy ny ainy, niharan’ny fitsaram-bahoaka tany amin’ny Kaominina Antsahavaribe Distrika Vohemar. Voatonona ho mpisoloky, manome fanafody fampatoriana toy ny « valium » ny olona iantranoany izy ireo avy eo mangalatra lavanila.

Tezitra ny olona ka nisambotra azy ireo, ary dia niafara tamin’izao fitsaram-bahoaka namoizana ain’olona izao. Olona miisa valo no voasambotry ny zandary taorian’ny fidinana tany an-toerana. Anisan’izany ny mpampiantrano sy ny mpiray tsikombakomba tamin’ireo olona telo niharan’ny fitsaram-bahoaka ireto, ary ny tompon’antoka tamin’io fitsaram-bahoaka io.

Jean D.