Fandriampahalemana

Antoha Ambilobe Nahitana fatin-dehilahy iray efa tapa-doha

Fandriampahalemana
Zoma 04 Aogositra 2017

Taorian’ilay zazavavy kely vao dimy taona monja nisy nanolana dia namono tao Ambilobe dia fatin-dehilahy iray indray no hita tao amin’ny Fokontanin’Antsoha,

Ambodimanga omaly maraina tokony ho tamin’ny 06 ora sy sasany. Nofatorana ny tanànan’ity lehilahy ity raha efa tapaka nokapaina tamin’ny antsibe ihany koa ny lohany. Nahitana dian’antsy maromaro ihany koa ny kibony no sady goaka. Tsy lavitra ity razana ity anefa no nisy ilay bajaj fitaovam-pitaterana hitadiavany vola isan’andro mandeha mitatitra entana any ambanivohitra izay marihina fa tsy nisy nokitihina na dia kely aza. Olona sendra nandalo no nahita ny razana raha araka ny vaovao azo ka nampandre ny mpitandro ny filaminana. Raha araka ny fanazavan’ny vadin’ny maty moa dia tsy nody Itompokolahy afaka omaly alina, raha tsy mpanao izany izy. 48 taona ny lehilahy raha miisa dimy kosa ireo zaza naterany. Misokatra ny fanadihadiana mikasika ny raharaha.

Patty