ANTETEZANA

ANDRANOTAPAHANA

Fandriampahalemana
Zoma 01 Martsa 2024

Lehilahy miisa 03 no lavon ' ny balan 'ny Polisy tetsy Antetezana /

Andranotapahana ny 28 Febroary teo rehefa nangalatra sy nampiasa fitaovam-piadiana mahery vaika toy ny basy. Ny harivan 'io tetsy Andohatapenaka raha tsiahivina dia Polisin 'ny BC1 namita iraka no nahatsikaritra olona nitondra moto niharan ' ny asa ratsy. Nosakanan ' ireo jiolahy ilay lehilahy ary nalainy an-keriny ny moto noentiny. Nandray andraikitra avy hatrany ireo mpitandro ny filaminana raha vao nahita ilay tranga. Nitsoaka niaraka tamin 'ny moto roa nihazo ny lalana Ambohitrimanjaka kosa ireo mpanao ratsy raha vao nahatazana ny Polisy. Raikitra ny fifanenjehana ka nizotra ny lalana manitsy hivoaka any Mahitsy izy ireo. 100m niala ny fiviliana teo Antetezana no nanajanona ny moto ireo jiolahy ka namoaka basy ary nitifitra ireo Polisy nanara - dia. Raikitra ny fifanjevoana ka nandritra izany no nahalavo ny jiolahy miisa 03. Mbola nahitana sabatra lava lela ihany koa teny aminy. Marihina fa moto miisa 02 halatra avokoa no noentin ' izy ireo nitsoaka izay efa azo ka tafaverina amin ' ny tompony.
Pati
Legende : Ilay moto halatra sy ilay basy !