ANTEHIROKA

Ravan'ny zandary ny tambajotrana mpangalatra

Fandriampahalemana
Alakamisy 05 Martsa 2026

Nanao hetsika manokana ny zandarimaria

ao Antehiroka noho ny fisian'ny trangana vaky trano, halatra anaty fiara, fanendahana sy halatra miaro herisetra. Ny 23 Febroary teo dia niainga tamina fitarainana voaray mikasikana halatra tao anaty fiara ny zandarimaria izay nahaverezana speaker sy finday ny 21 Febroary lasa teo.Roa andro aty aoriana dia hita ilay finday sy ny mpampiasa azy. Finday novidiana 3 alina ariary. Niroso lalina ny zandarimaria ka fantatra ny mpivarotra ary nosamborina. Izy no namaky ny fiara ary fantatra ihany koa fa ekipa maromaro izy ireo no mpanao ratsy ao anatin'ny Kaominina Antehiroka sy ny faritra manodidina. Anisan'ireo ekipa nanao ny fanendahana miharo herisetra ihany koa ireto olon-dratsy ireto. Hataony mahita faisana ireo mpiasa avy nirava hariva satria arahin'izy ireo amin'ny toerana mangina ary robainy avy eo. Ny fisavana ny trano fonenan'izy ireo no nahitana karazan'entana marobe azo tao anaty halatra sy fandrobana tamina toerana samihafa. Ankoatra ireo Dimilahy voasambotra mpanao asa ratsy dia nalaina hatao famotorana ihany koa ireo olona mpividy sy mpandray entana halatra azon'ireo jiolahy.
Pati
Légende : Ireto ry zalahy mpanao ratsy !