Fandriampahalemana

Antaninarenina Mitombo ny mpanendaka sy mpangarom-paosy

Fandriampahalemana
Alakamisy 31 Desambra 2020

Mbola hitohy hatramin’ny herinandro ny fijerena jiro eny Antaninarenina ho

fanomezana fahafaham-po ny rehetra noho ny fahatongavan’ny fetin’ny Asaramanitra. Na izany aza anefa dia mila mitandrina hatrany ny rehetra manoloana ireo mpanao ratsy indrindra amin’izao faran’ny taona izao. Raha araka ny fantatra mantsy dia mitombo isa ireo mpanendaka sy mpangarom-paosy tonga eny an-toerana. Eo an-danin’izay anefa maro ihany koa ireo manao fandaharam-potoana hijanona eny Analakely sy Antaninarenina amin’ity harivan’ny 31 desambra anio ity. Mila mailo araka izany ny rehetra, indrindra fa ho an’ireo mitondra ankizy. Raha araka ny fanadihadiana natao teo anivon’ny mpitandro ny filaminana moa dia nampitomboina ireo polisy miambina eny an-toerana mba hahafahan’ny tsirairay mifety amim-pilaminana.

Pati