ANTANIMIEVA MOROMBE

Lehilahy niasa teny an-tanimboly, nisy naka ny masony

Fandriampahalemana
Alakamisy 08 Febroary 2024

Lehilahy iray manodidina ny 50 taona indray omaly no fantatra fa nisy naka

ny masony roa raha iny izy mbola variana niasa teny an-tanimboly iny tany Antanimieva, distrikan’i Morombe. Raha araka ny fantatra dia efa niandry ity lehilahy ity efa ho roa maromaro ny fianakaviana saingy tsy niverina nody izy na efa tokony hisakafo atoandro aza. Nisy tamin’ireto farany noho izany no ohatra ny notsindrian-javatra ka lasa nijery io lehilahy io saingy indrindra fa vatana efa tsy nisy fofon’aina intsony no hitany. Efa tarehy nihosin-dra ihany koa no nifanatrika taminy narahin’ny masony roa efa tsy teo amin’ny toerany intsony. Hikiaka ny an’ilay fianakaviana nahita ny zava-nitranga saingy efa tsy nisy azo natao intsony. Hamidin’ireo mpanao ratsy hatrany amin’ny 2tapitrisa Ar moa ny voamaso roa raha araka ny fantatra hatrany, antony mampahazo vahana ny vono olona mifandraika amin’izany.
Pati
Legende : Ity ilay Rangahy maty nalana voamaso tany Morombe !