Fandriampahalemana

Antananarivo renivohitra Misy zaza tsy ampy taona lasa mpivarotra rongony

Fandriampahalemana
Alarobia 23 Desambra 2020

Olona miisa 11 ahitana vehivavy 2 no nosamborin’ny polisy ny Polisy miasa ao

amin’ny Sampan-draharaha miady amin’ny zava-mahadomelina Anosy nandritra ny hetsika izay notanterahan’izy ireo. Nirongatra sy nahazo vahana tanteraka mantsy ny fivarotana sy fifohana rongony ary fitsindromana heroine tato ho ato. Teto an-drenivohitra dia toerana telo no fantatry ny polisy fa misy izany toy ny teny Antohomadinika, IIIG Hangar ary IVO. Nanao be midina teny an-toerana ny Polisy miasa amin’izany sehatra izany ny 21 desambra teo ka olona 11 no voasambotra. Ny 03 nivarotra rongony, mpamatsy sy mpampitsindrona héroine raha mpifoka sy mpitsindrona kosa ny ambiny. Nahatrarana fonosana héroine roa izay milanja 1, 57g tany amin’izy ireo. Teo ihany koa ny rongony 06 fonosana ; briquet miisa 22 hifohana rongony sy héroine ; séringue miisa 03, capsule miisa 02 (fandorana ilay fangarona héroine alohan’ny hitsindromana azy) ary taratasy fampiasan’izy ireo hamonosana ilay rongony sy héroine. 17 ka hatramin’ny 29 ny salan-taonan’izy ireo izay natolotra ny fampanoavana omaly.

Pati