Antananarivo

Mirongatra ny hala-botry

Fandriampahalemana
Alakamisy 13 Febroary 2025

Lehilahy iray no tratran'ny Polisim-pirenena avy ao amin'ny Kaomisarian'ny Boriborintany faha 6

niaraka tamina "batteries" ana fiara miisa roa afak’omaly talata 11 febroary tokony ho tamin'ny 2 ora maraina teny amin'ny Fokontany Ambatolampy. Tsy misy taratasy ary tsy voazavany ny fiavian'ireto "batteries" ireto ka notanana natao fanadihadiana tao amin'ny biraon'ny Polisy ilay ranamana. Nandritra izany no nahafantarana fa halatra ireto "batteries" ireto.Lehilahy iray hafa ihany koa tratran'ny Polisy avy ao amin'ny CSP 2 teo am-pangalarana fitaovan-dakozia ny 10 Febroary 2025 hariva teny Antsahameva. Fitaovan-dakozia maro samihafa no nangalariny tamin'izany.Ankoatra izay dia lehilahy iray hafa noraisim-potsiny tao an-tokotanin'olona mifefy teny Mahazoarivo ny alin'ny 10 Febroary 2025 ihany. Nampiahiahy ny mponina ny fihetsiny ka niantso Polisy izy ireo. Tonga haingana ny Polisy avy ao amin'ny CSP 2 ka dia noraisim-potsiny ity lehilahy ity. Tsiahivina moa fa vokatry ny tsy fisian’ny asa avokoa no antony mampirongatra ny tsy fandriampahalemana eto amintsika. Voatery manaotao foana ny sasany vokatr’izany mba hamelomany ny ankohonany.
Pati
Legende : Ireto izy 3 mirahalahy tratra !