Fandriampahalemana

Anosizato Tratran’ny polisy ilay mpanolana vehivavy bevohoka

Fandriampahalemana
Alakamisy 11 Jolay 2019

Ela ny ela fa tratran’ny polisy ihany ilay jiolahy iray tamin’ny telo nanendaka mpivady handeha hody alina. Nodarohan’izy ireo ilay raim-pianakaviana ka rehefa tsy nahatsiaro tena dia nalefany tany anaty tatatra.

Ilay renim-pianakaviana nitondra vohoka roa volana kosa nentin’izy ireo tany amin’ny mangingina ary naolany ary mbola nalain’izy ireo koa ny firavaka sy ny vola tany amin’izy mivady. Nitory tany amin’ny polisy izy mivady ary nanao ny famotorana ny mpitandro ny filaminana. Fantatra ny toerana nipetrahan’ireto olon-dratsy ka nidina ifotony avy hatrany ny polisy saingy efa nitsoaka izy ireo. Nitohy ny fikarohana ary tra-tehaka teny am-pampiadiana akoho teny Anosizato ny iray. Niaiky ny heloka vitany ity jiolahy ity ary fantatra fa mpirahalahy avokoa izy ireo no nanao io asa ratsy io. Mitohy ny fanadihadiana.

Pati