ANOSIMASINA ITAOSY

Tovolahy iray matin'ny kodiaran-droa

Fandriampahalemana
Alakamisy 23 Aprily 2026

Mamono olona hatrany ny moto

na ny kodiaran-droa eto amintsika. Tovolahy kely iray vao 18 taona monja no fantatra fa matin'ny fitaingenana kodiaran-droa ny Alatsinainy 20 Aprily lasa teo teny Anosimasina Itaosy, distrikan'Antananarivo Atsimondrano. Raha araka ny loharanom-baovao azo dia tokony ho tamin'ny 10 ora alina tany ho any no nitrangan'ny loza. Tsy fantatra mazava izay zava-niseho fa ilay tovolahy kely efa tsy nahatsiaro tena intsony no sady naratrabe nisy nahita. Nentina niala nenina tany amin'ny hopitaly izy hoy ny vaovao saingy tsy tana ny ainy. Tsiahivina hatrany moa fa mahatratra 10 isan'andro ireo olona mamoy ny ainy vokatry ny lozam-pifampivoizana eto amintsika. Avy amin'ny mpamily ny 20%-n'ny antony mahatonga izany raha avy amin'ny olana ara-teknika mahazo ny fiara na moto ny 80% ambiny.
Pati
Légende : Betsaka ireo zatovo matin'ny moto eto amintsika !