ANOSIBE

Zaza 16 taona tratra nanendaka

Fandriampahalemana
Zoma 02 Febroary 2024

Zaza tsy ampy taona ny ankamaroan’ireo mpanendaka eny Anosibe, Boriborintany fahaefatra.

Tovolahy kely iray vao 16 taona monja omaly Alakamisy 01 febroary no saron’ny polisin’ny SAG teny an-toerana rehefa nanendaka. Maro ireo olona mifamezivezy eny amin’iny faritra iny raha tsiahivina no nihara’ny fanendahana sy sinto-mahery. Mitsoaka avy hatrany ireo mpanendaka rehefa mahazo ny zavatra ilainy. Manoloana izany dia nirotsaka an-tsehatra ny polisin’ny SAG.Natao ny fikarohana ka taoria’ny angom-baovao isan-karazany no nahafahana nisambotra ny iray tamin’ireo tontakely izay teny amin’ny manodidina ihany. Eny amin’ny faritra Anosipatrana moa izy no mipetraka saingy izao tra-tehaka nanatanteraka asa ratsiny teny Anosibe izao.Natolotra ny sampan-draharahan’ny PMPM Anosy ity raharaha ity noho ny mahazaza tsy ampy taona azy.
Pati
Legende : Ity ilay tovolahy kely tratra nanendaka teny Anosibe !